"Әлкей Марғұлан атындағыҚазақстан Республикасының "Білім туралы" Заңына сәйкес ППУ-да қоғамда болып жатқан әлеуметтік-экономикалық өзгерістерге сәйкес білім мен дағдылардың қосымша көлемін алу үшін жағдай жасалған.
ППУ қосымша құзыреттер және үздіксіз білім беру орталығында біліктілікті арттыру курстары, кәсіби қайта даярлау курстары, талапкерлерге арналған дайындық курстары, ағылшын, қазақ, орыс, түрік, қытай тілдерінің деңгейлік курстары жүзеге асырылады.
Оқу процесіне үлкен ғылыми-педагогикалық және практикалық тәжірибесі бар, Қазақстан Республикасының және алыс шетелдің жетекші оқу орындарында тағылымдамадан өткен жетекші ғалымдар мен мамандар тартылады.
Біліктілікті арттыру курстарының оқу бағдарламалары жаңа технологияларды, оқытудың әдістері мен құралдарын, ғылымда, білім беруде, өндірісте болып жатқан инновацияларды, сондай-ақ еңбек нарығының қажеттіліктерін, оқыту нәтижелеріне құзыреттілік тәсілді, кәсіби біліктілік стандарттарының талаптарын ескере отырып әзірленді және сол арқылы практикаға бағдарланған.
Біліктілікті арттыру бағдарламасы кәсіптік қызмет үшін қажетті жаңа құзыретті жетілдіруге және (немесе) алуға және (немесе) қолда бар, біліктілік шеңберінде кәсіптік деңгейді арттыруға бағытталған, 36 сағаттан бастап іске асырылады.